ARDNŞ GƏLƏN İL GÜRCÜSTANDA YANACAQDOLDURMA MƏNTƏQƏLƏRİNİN SAYINI 2 DƏFƏ ARTIRMAĞI PLANLAŞDIRIR
Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev AZƏRTAC-a bildirmişdir ki, şirkət gələn il Gürcüstanda daha 30 yanacaqdoldurma məntəqəsi açmağı planlaşdırır.
Bununla da ARDNŞ-ın Gürcüstandakı yanacaqdoldurma məntəqələrinin ümumi sayı 60-a çatacaqdır.
Cari ilin avqustunda Poti şəhərində bir yanacaqdoldurma məntəqəsi açıldığını qeyd edən R.Abdullayev yaxın vaxtlarda Kutaisi şəhərində və Gürcüstanın digər əyalət mərkəzlərində də yanacaqdoldurma məntəqələrinin istifadəyə verilməsinin nəzərdə tutulduğunu biıldirmişdir.
ARDNŞ cari il aprelində Gürcüstanın Rustavi şəhərində SOCAR brendli yanacaqdoldurma məntəqələri şəbəkəsinə daxil olan ilk kompleksi istifadəyə vermişdir. Şirkətin törəmə müəssisəsi olan “SOCAR Energy-Georgia” MMC Gürcüstan iqtisadiyyatına 400 milyon ABŞ dollarından çox sərmayə qoymuşdur.
Bölmənin digər xəbərləri
