Argentina ictimaiyyəti Azərbaycanın əldə etdiyi uğurlar barədə məlumatlandırılıb
Bakı, 15 dekabr, AZƏRTAC
Dekabrın 14-də Azərbaycanın Argentinadakı səfiri Rəşad Aslanov Argentinanın “ECO Medios AM 1220” radiosunda jurnalist Pablo Qaleanonun təqdimatında yayımlanan və dinləyiciləri müxtəlif ölkələrlə bağlı məlumatlandıran “Tendensiyalar” verilişinin qonağı olub.
Xarici İşlər Nazirliyinin mətbuat xidmətindən AZƏRTAC-a verilən məlumata görə, canlı yayımlanan verilişdə R.Aslanov Azərbaycanın tarixindən, müstəqilliyin bərpasından sonra ölkəmizin müxtəlif sahələrdə əldə etdiyi uğurlardan bəhs edib. Səfir, həmçinin Azərbaycanın regiondakı rolu, təşəbbüskarı olduğu qlobal layihələr barədə ətraflı məlumat verib. O, Ermənistan-Azərbaycan münaqişəsi, onun tarixi, münaqişə ilə bağlı BMT Təhlükəsizlik Şurası və digər beynəlxalq təşkilatlar tərəfindən qəbul olunan, ölkəmizin haqlı mövqeyini dəstəkləyən sənədlər barədə fikirlərini bölüşüb.
R.Aslanov aparıcı P.Qaleanonun ölkəmizlə bağlı müxtəlif sahələri əhatə edən suallarını cavablandırıb. Azərbaycan-Argentina münasibətləri, ölkəmizin turizm imkanları, zəngin mədəniyyəti, Azərbaycanın multikulturalizm dəyərlərinin təşviqi sahəsində qazandığı nailiyyətlərlə bağlı dinləyiciləri məlumatlandırıb.
Bölmənin digər xəbərləri
