“ARPA ÇAYI” FİLMİNİN ÇƏKİLİŞLƏRİ BAŞA ÇATMIŞDIR
AZƏRTAC xəbər verir ki, “Azərbaycantelefilm” Yaradıcılıq Birliyində yeni - “Arpa çayı” filminin çəkilişləri başa çatmışdır. Şərur-Dərələyəz mahalından başlayan və Araza tökülən Arpa çayından bəhs edən yeni ekran əsərində, əsasən, çayın kənarında yerləşən 6-7 kəndin tarixindən və həmin yerlərdəki qədim abidələrdən söhbət açılır.
Filmin ssenari müəllifi Əlisa Cabbarov, quruluşçu rejissoru Tahir Əliyev, operatoru Mətləb Yaqubov, məsləhətçisi Azərbaycan Milli Elmlər Akademiyasının müxbir üzvü Vəli Əliyevdir.
Ekran əsərinin təqdimatı yanvar ayının sonlarına nəzərdə tutulmuşdur.
