AŞĞABADDA KÜÇƏLƏRƏ AD ƏVƏZİNƏ DÖRDRƏQƏMLİ NÖMRƏLƏR QOYULUR

31.07.2003 [23:35]
Çap et
A⁺ A^-

Aşğabaddan alınan xəbərə görə, Türkmənistan prezidentinin təklifi ilə ölkə paytaxtının küçələrinə ad əvəzinə dördrəqəmli nömrələr qoyulmağa başlanmışdır. Küçələrdə üzərində ağ rəngli rəqəmlər yazılmış ilk yaşıl lövhələr vurulmuşdur. Şəhərin mərkəzi – Saray meydanı isə XXI əsrin başlanğıcının rəmzi kimi 2000 rəqəmi ilə işarə olunacaqdır.

Aşğabad meriyasının xüsusi komissiyasının qərarı ilə 9 prospekt və magistral küçə indiki adını saxlayacaqdır. Böyük Saparmurad Türkmənbaşı, Qaraşsızlıq (İstiqlal), Bitərəf Türkmənistan, Məxtumqulu, Türkmənistan Qəhrəmanları Atamurat Niyazov və Qurbansoltan-ece (prezident Niyazovun ata-anası) prospektləri onların arasındadır.

Küçələrin rəqəmlə işarə olunması 2004-cü il yanvarın 1-dək başa çatdırılacaqdır.