ASK-DA TÜRKİYƏ İŞ ADAMLARI İLƏ GÖRÜŞ KEÇİRİLMİŞDİR
AZƏRTAC xəbər verir ki, iyunun 20-də Azərbaycan Respublikası Sahibkarlar (İşəgötürənlər) Təşkilatları Milli Konfederasiyasında Türkiyənin Müstəqil Sənayeçi və İş Adamları Assosiasiyasının (MÜSAİD) Ərzurum şöbəsinin 10 nəfər iş adamından ibarət nümayəndə heyəti ilə görüş keçirilmişdir.
Türkiyəli qonaqları salamlayan ASK prezidenti Ələkbər Məmmədov bildirmişdir ki, dost ölkənin iş adamlarının Azərbaycana səfərinin məqsədi yerli biznesmenlərlə görüşmək, birgə əməkdaşlıq imkanlarını müzakirə etmək, yerli bazarda özlərinə tərəfdaş tapmaqdan ibarətdir. Azərbaycan ilə Türkiyə arasında iqtisadi əlaqələrin çox yüksək səviyyədə olması, budəfəki görüşün də əlaqələrin inkişafına müsbət təsir göstərəcəyi vurğulanmışdır.
Tədbirin sonunda ASK-ın təşkilatçılığı ilə türk və yerli iş adamalrının ikitərəfli görüşü keçirilmişdir.
Bölmənin digər xəbərləri
