ASTANADA DÜNYADA İLK DƏFƏ NADİR CƏRRAHİYYƏ ƏMƏLİYYATI APARILMIŞDIR
Pasiyent hamiləlik dövründə xəstələnmiş 29 yaşlı qadındır. Onun qalxanvarı vəzinin iki il müddətində köhnə, hormonal üsulla müalicəsi nəticəsiz qalmışdı. Ona görə də embrional hüceyrələrin transplantasiyası üzrə nadir əməliyyat aparılması qərara alınmışdır. Əməliyyatın uğurla keçməsi bir çox xəstənin sağalmasına ümid verir.
İdeyanın müəllifi akademik M. Əliyev yeni texnologiyanı bir il bundan əvvəl təqdim etmişdi. Əməliyyatın mahiyyəti ondadır ki, öz funksiyalarını yerinə yetirməyən orqana cavan hüceyrələrin embrionları əlavə olunur. Həmin embrionlar sürətlə çoxalaraq, xəstə orqanın fəaliyyətini yaxşılaşdırır. Bu üsulla ilk əməliyyatlar qaraciyərdə sirrozun və hepatitin ilkin mərhələsində keçirilmişdir. Ötən il Qazaxıstanda bu üsulla təxminən 300 nəfər üzərində əməliyyat aparılmışdır. Xəstələrin vəziyyəti nəzərəçarpacaq dərəcədə yaxşılaşmışdır.
Bölmənin digər xəbərləri
