ASTARADA TİBB ELMLƏRİ DOKTORU, PROFESSOR SÜDEYİF İMAMVERDİYEVİN 70 İLLİYİ QEYD OLUNMUŞDUR
AZƏRTAC xəbər verir ki, respublikamızın tanınmış cərrahı, tibb elmləri doktoru, professor, Milli Elmlər Akademiyasının müxbir üzvü, YAP Siyası Şurasının üzvü, «Şöhrət» ordenli Südeyif İmamverdiyevin 70 illik yubileyi doğulub boya-başa çatdığı Astara şəhərində qeyd edilmişdir.
Şəhər mədəniyyət evində keçirilən mərasimdə rayon icra hakimiyyəti başçısının müavini Natiq İbadov, Milli Məclisin deputatları Hadı Rəcəbli, Mirkazım Kazımov, BDU-nun professoru Şahlar Əsgərov, ATU-nun professoru Vəsadət Əzizov, alimin yetirmələri və rayon ictimaiyyətinin nümayəndələri çıxış edərək 250 elmi məqalənin, 8 monoqrafiyanın və 13 ixtiranın müəllifi olan Südeyif İmamverdiyevin elmi, pedaqoji fəaliyyəti ilə bərabər, ictimai-siyasi fəaliyyəti barədə danışmış, onun Azərbaycanda tibb elminin inkişafındakı xidmətlərini yüksək qiymətləndirmişlər.
Mərasimdə rayon mədəniyyət evinin «Sevinc» xalq çalğı alətləri ansamblı konsert proqramı ilə çıxış etmişdir.
Bölmənin digər xəbərləri
