ATƏT VƏ BMT ƏTRAF MÜHİTİN MÜHAFİZƏSİ SAHƏSİNDƏ SƏYLƏRİNİ BİRLƏŞDİRİRLƏR
Sazişə görə, üç beynəlxalq təşkilat ətraf mühitin mühafizəsi sahəsində, o cümlədən suyun çirkləndirilməsi mənbələrinin aşkara çıxarılması, sənaye tullantılarının təkrar emalı sahəsində birgə layihələrin və torpağın eroziyasının qarşısının alınmasına dair kompleks tədbirlərin həyata keçirilməsini öhdələrinə götürürlər.
İqtisadiyyat və ətraf mühit məsələləri üzrə əlaqələndirici Marsin Sviesiskinin sözlərinə görə, birgə fəaliyyətin ilk mərhələsində biosferanın çirkləndirilməsinin əsas zonalarının aşkara çıxarılması nəzərdə tutulur ki, bu da həmin sahədə gələcək səyləri əlaqələndirməyə imkan verəcəkdir.
Qeyd edilmişdir ki, digər məsələlərlə yanaşı, Cənubi Qafqaz ölkələrində ekoloji proqramların dəstəklənməsi və Xəzər dənizinin bioloji ehtiyatlarının mühafizəsi məsələləri də beynəlxalq təşkilatların diqqət mərkəzindədir.
Bölmənin digər xəbərləri
