ATU Dünya Universitetlərinin Böyük Xartiyasına üzv qəbul edilib
Bakı, 17 dekabr, AZƏRTAC
Azərbaycan Tibb Universiteti (ATU) Avropanın və dünyanın 900-dən artıq aparıcı ali məktəbini birləşdirən beynəlxalq şəbəkəyə qoşularaq “Magna Charta Universitatum” - Dünya Universitetlərinin Böyük Xartiyasına üzv qəbul edilib.
Bu barədə AZƏRTAC-a ATU-nun mətbuat xidmətindən məlumat veriblər.
Dünya Universitetlərinin Böyük Xartiyası 1988-ci ilin sentyabrında Boloniya Universitetinin yaranmasının 90 illik yubileyinə həsr olunmuş tədbirdə təsis edilib və əsas təsisçiləri Avropa Universitetləri Assosiasiyası və Boloniya Universitetidir.
Xartiya hazırda öz ətrafında 88 ölkədən 904 universiteti birləşdirir, əsas məqsədi üzv universitetlər arasında təhsil, elm və mədəniyyət sahəsində əməkdaşlığın qurulması və inkişaf etdirilməsi, həmçinin tələbələr, yüksək ixtisaslı kadrlar, elmi işçi və araşdırmaçıların ölkələr arasında sərbəst mübadiləsi işinin gücləndirilməsindən ibarətdir.
Bölmənin digər xəbərləri
