Avqustda ölkəyə gətirilən avtomobillərin sayı açıqlanıb
Bakı, 24 sentyabr, AZƏRTAC
Cari ilin avqustunda Azərbaycana idxal olunan avtomobillərin sayı 7883 ədəd, dəyəri isə 116 milyon 330 min ABŞ dolları olub.
Dövlət Gömrük Komitəsindən AZƏRTAC-a verilən məlumata görə, keçən ay ölkəyə gətirilən avtomobillər arasında sürücü daxil olmaqla 10 nəfər və ya daha çox adam daşımaq üçün nəzərdə tutulmuş mühərrikli nəqliyyat vasitəsi olmayıb. Gətirilən avtomobillərin 7379-u əsasən adamların daşınması üçün nəzərdə tutulmuş minik avtomobili və digər mühərrikli nəqliyyat vasitəsi, 485-i yük daşımaq üçün, 19-u isə xüsusi təyinatlı mühərrikli nəqliyyat vasitələridir.
Bölmənin digər xəbərləri
