AVROPA BİRLİYİ TÜRKİYƏYƏ DAİR HESABAT HAZIRLAYIR
AZƏRTAC-ın xüsusi müxbiri xəbər verir ki, Avropa birliyi Türkiyəyə dair hesabat hazırlayır. Bunu Avropa Birliyi genişlənmə komissiyasının sədri Günter Verhoyqen bildirmişdir. Avropa Birliyinin komissarı demişdir ki, hesabatda Türkiyə siyasətçilərinin gözləmədiyi bəzi sərt tənqidlərə də yer verilmişdir. Avropa Birliyinin dekabrın 17-də keçiriləcək sammitində Türkiyənin tam hüquqlu üzvlüyü ilə bağlı müzakirələrin başlanacağı tarixə toxunulacağını vurğulayan cənab Günter Verhoyqen bu prosesin on ildən çox çəkə biləcəyini nəzərə çarpdırmışdır. Komissar qeyd etmişdir ki, AB-nin üzvü olan hər bir ölkə istədiyi zaman bu prosesi dayandırmaq səlahiyyətinə malikdir. Ancaq bu halda Türkiyənin də AB-yə qarşı mövqeyi dəyişə bilər. Bu isə reqional sabitliyi, ümumiyyətlə, Avropanın təhlükəsizliyini risk altında qoyacaqdır.
