AVROPA ÇEMPİONATININ SEÇMƏ MƏRHƏLƏSİNDƏ
Bakı, 26 oktyabr (AZƏRTAC). Oktyabrın 26-da 17 yaşadək futbolçulardan ibarət komandalar arasında Avropa çempionatının birinci seçmə mərhələsinin Bakıda təşkil olunan 1-ci qrupunda ilk oyunlar başa çatmışdır.
İsmət Qayıbov adına Bakıxanov qəsəbə stadionunda keçirilən İngiltərə - Qazaxıstan qarşılaşması 6:2 hesabı ilə ingiltərəli futbolçuların xeyrinə başa çatmışdır.
Tofiq Bəhramov adına Respublika stadionunda qarşılaşan Serbiya və Azərbaycan yığmalarının oyununda isə qapılara qol vurulmamışdır - 0:0.
Növbəti oyunlar oktyabrın 28-də keçiriləcəkdir. Tofiq İsmayılov adına Suraxanı qəsəbə siadionunda Serbiya - Qazaxıstan, Tofiq Bəhramov adına Respublika stadionunda isə Azərbaycan - İngiltərə komandaları görüşəcəklər.
Bölmənin digər xəbərləri
