AVROPA İTTİFAQI ELEKTRİK LAMPALARINDAN İSTİFADƏ OLUNMASINI QADAĞAN EDİR
AZƏRTAC xəbər verir ki, Avropa İttifaqı 2009-cu ildə közərmə lampalarından istifadəni tamamilə qadağan etmək və onları fluoressent lampaları ilə əvəzləmək niyyətindədir.
Alman mətbuatı xəbər verir ki, fluoressent lampaları közərmə lampalarına nisbətən beş dəfə az enerjı işlədir, lakin istifadə müddəti 10 dəfə uzundur. Aİ iqtisadçıları hesablamışlar ki, İttifaq ölkələri lampaların əvəzlənməsi hesabına ildə 5-8 milyard dollar məbləğində vəsaitə qənaət edəcəklər.
Xeyli hissəsi istilik elektrik mərkəzlərində istehsal edilən elektrik enerjisinə qənaət olunması isə karbon qazı tullantılarının xeyli azalmasına gətirib çıxaracaqdır. Bu tullantılar təkcə Almaniyada ildə 4,54 milyon ton azalacaqdır.
Avstraliya ötən il elan etmişdir ki, közərmə lampalarından tamamilə imtina edən ilk ölkə olacaqdır. İslahat 2010-cu ilə planlaşdırılmışdır. Yeni Zelandiya közərmə lampalarının tədricən əvəzlənməsinə 2009-cu ilin oktyabrında başlayacaqdır. Kaliforniyada bu lampalardan 2018-ci ildə tamamilə imtina edəcəklər.
Bölmənin digər xəbərləri
