Avropa Liqası: “Qarabağ” - FCSB oyununun biletləri bu gün satışa çıxarılacaq
Bakı, 13 yanvar, AZƏRTAC
UEFA Avropa Liqasının Liqa mərhələsi çərçivəsində keçiriləcək “Qarabağ” - FCSB (Rumıniya) oyununun biletləri bu gün saat 12:00-dan etibarən satışa çıxarılacaq.
Klubdan AZƏRTAC-a verilən məlumata görə, Tofiq Bəhramov adına Respublika stadionunda təşkil olunacaq matçın biletlərinin qiyməti müvafiq olaraq 5, 20, 30, 40, 75 və 150 manat təşkil edir.
VVIP C və VVIP D sektorlara biletlərin qiyməti isə 300 manatdır.
Biletləri “Iticket.az”ın satış məntəqələrindən, “Qarabağ”ın Park Bulvardakı fan-şopundan, Tofiq Bəhramov adına Respublika stadionunun kassalarından əldə etmək mümkündür.
Qeyd edək ki, yanvarın 23-də oynanılacaq "Qarabağ" - FCSB qarşılaşması saat 21:45-də başlayacaq.
Bölmənin digər xəbərləri
