AVROPA PARLAMENTİ PEKİNİN OLİMPİYA OYUNLARININ AÇILIŞ MƏRASİMİNİ BOYKOT EDƏCƏKDİR
AZƏRTAC-ın xüsusi müxbiri xəbər verir ki, mənzil-qərargahı Strasburqda yerləşən Avropa Parlamentinin sədri Hans-Gert Pöttepinq rəhbərlik etdiyi qurumun Çin rəsmiləri ilə Dalay Lamanın nümayəndələri arasında danışıqlarda irəliləyiş əldə olunmamasını əsas gətirərək avqust ayında Pekində keçiriləcək Yay Olimpiya oyunlarının açılış mərasimini boykot edəcəyini bəyan etmişdir.
Parlamentin sədri Avropa İttifaqına rəhbərlik edən Fransa Prezidenti Nikola Sarkozinin mərasimdə iştirak etmək barədəki qərarını kəskin tənqid etmişdir. O, bir neçə gündən sonra Aİ-nin sədri kimi qarşıdakı 6 aylıq fəaliyyət proqramı barədə məlumat vermək üçün Strasburqda keçiriləcək yığıncaqda ölkə başçısına bu barədə etirazını bildirəcəyini diqqətə çatdırmışdır.
Bölmənin digər xəbərləri
