AVSTRİYA NAZİRİ AVROPA İTTİFAQINI ALTERNATİV QAZ NƏQLİ MARŞRUTLARI AXTARMAĞA ÇAĞIRIR
AZƏRTAC-ın xüsusi müxbiri xəbər verir ki, hazırda Avropa İttifaqında sədrlik edən Avstriyanın iqtisadiyyat naziri Martin Bartenştayn Avropa İttifaqından Rusiya qazının Avropaya idxalından tamamilə imtina etməyi və idxal marşrutunu yeni alternativ layihələrlə əlaqələndirməyi tələb etmişdir. Nazir Almaniyanın “Taqesspiegel” qəzetinə verdiyi müsahibədə demişdir: Rusiya təbii qazının Avropaya nəqli layihəsi siyasi, iqtisadi və kommersiya cəhətdən Aİ üzvü olmayan Rusiyanın özü üçün sərfəli, Avropa üçün isə sərfəsizdir. Məhz bu səbəbdən Avropa İttifaqı mavi yanacağa olan tələbatını ödəmək üçün kommersiya sabitliyini və yanacağın Avropa istehlak bazarına nəqlinin əlverişli rejimini təmin edə biləcək alternativ layihələrə qoşulmalıdır”.
Avstriya nazirinin sözlərinə görə, Avropa İttifaqını 2011-ci ilə qədər Xəzər hövzəsinin təbii qaz mənbələri ilə birləşdirəcək layihənin alternativi yoxdur.
Bölmənin digər xəbərləri
