AVTOMOBİL QƏZALARI ÖLÜMLƏ NƏTİCƏLƏNMİŞDİR

11.11.2006 [00:45]
Çap et
A⁺ A^-

AZƏRTAC xəbər verir ki, Siyəzən rayonu ərazisində Vitalik Hacıağayevin sürdüyü “VAZ-2106” və Ramin Əzizovun idarə etdiyi “ZİL-133” markalı avtomaşınlar toqquşmuşdur. Nəticədə V.Hacıağayev, sərnişinləri İlqar Maksimov və Rumik Baqiyev xəstəxanaya düşmüşlər. İ.Maksimov orada ölmüş, digərlərinin vəziyyətləri orta ağırdır.

Tərtər rayonunun ərazisində Cəlaləddin Hüseynov idarə etdiyi “Opel” markalı avtomaşını aşırmışdır. Nəqliyyat vasitəsində olan sərnişinlərdən Natiq Hüseynov hadisə yerində dünyasını dəyişmiş, sürcünün anası Mələk və bacısı Kubra xəsarətlə xəstəxanaya yerləşdirilmişlər.

Bakı-Quba yolunun Dəvəçi rayonu ərazisindən keçən hissəsində Bakı sakini Nəsib İsmayılov “VAZ-21074” markalı avtomaşınla rayon sakini Eyvaz Qurbanovu vurub öldürmüşdür.

Yevlax şəhəri ərazisində isə Arif Rəsulov “Nissan-Patrul” markalı avtomaşınla Yusif Məmmədovu vurmuşdur. Xəsarət almış Y.Məmmədov xəstəxanaya aparılarkən yolda keçinmişdir.

Hadisələrlə bağlı cinayət işi açılmışdır, araşdırma aparılır.

AVTOMOBİL QƏZALARI ÖLÜMLƏ NƏTİCƏLƏNMİŞDİR

MÜƏLLİFLƏ ƏLAQƏ

Bölmənin digər xəbərləri