Avtomobillərdən oğurluq edən şəxs saxlanılıb
Bakı, 11 yanvar, AZƏRTAC
Xətai rayonunda oğurluq etməkdə şübhəli bilinən şəxs polis əməkdaşlarının keçirdikləri əməliyyat tədbirləri nəticəsində saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, Xətai Rayon Polis İdarəsinin 34-cü polis bölməsinin və 37-ci polis şöbəsinin əməkdaşlarının keçirdikləri əməliyyat-axtarış tədbirləri nəticəsində rayon ərazisində dörd avtomobildən parfümeriya, üç noutbuk, geyim əşyaları və sənəd oğurlamaqda şübhəli bilinən Bakı şəhər sakini Müşfiq Zeynalov saxlanılıb.
Faktlarla bağlı araşdırmalar aparılır.
Bölmənin digər xəbərləri
