AZAD RƏHİMOV: “BİZ İDMANDA SÜNİ YAŞ AZALDILMASININ QƏTİ ƏLEYHİNƏYİK”
Bakı, 2 yanvar (AZƏRTAC). Azərbaycanın gənclər və idman naziri Azad Rəhimov futbol üzrə 19 yaşlı qızlardan ibarət yığma komandamızın heyətində süni yaş azaldılması faktı aşkarlandığı üçün millimizin Avropa çempionatının elit raundundan kənarlaşdırmasına münasibət bildirərək demişdir ki, biz süni yaş azaldılmasının qəti əleyhinəyik.
A.Rəhimov vurğulamışdır ki, istər beynəlxalq, istərsə də ölkədaxili yarışlarda pasportda və şəxsiyyəti təsdiq edən digər sənədlərdə yaşı dəyişdirmək qətiyyən yolverilməzdir. Keçmişdə belə hadisələr olmuşdur. Bu məsələyə nazirlik çox ciddi yanaşır. İstəməzdik ki, gələcəkdə hansısa istedadlı gəncin karyerası belə faktlara görə məhv olsun. İdman federasiyalarının rəhbərləri də belə hallara qarşı mübarizə aparırlar.
Bölmənin digər xəbərləri
