Azəbaycanda “elektron imza”nın tətbiqinə başlanılır
Bakı, 2 may (AZƏRTAC). Azərbaycanda “elektron imza”nın tətbiqinə başlanılır. Layihənin icrası ölkədə sənəd dövriyyəsinin elektron formata keçməsini sürətləndirəcəkdir.
Layihənin əlaqələndiricisi Elçin Əliyev bildirmişdir ki, artıq Rabitə və İnformasiya Texnologiyaları Nazirliyinin nəzdində Milli Sertifikat Xidmətləri Mərkəzi yaradılmışdır. Hazırda layihənin icrasında iştirak edən üç tərəf - hökumət, biznes mühiti və vətəndaş cəmiyyəti ilə iş aparılır. Məqsəd “e-imza”nın daha geniş coğrafiyada tətbiqinə qısa zamanda nail olmaqdır. “E- imza”nın tətbiqi yazışmaları sürətləndirməklə yanaşı, sənədləşmədə süni əngəlləri də aradan qaldırır. Artıq Mərkəzi Bank və bəzi özəl banklar bu sistemlə işləyir.
Layihə “Azərbaycan Respublikasında rabitə və informasiya texnologiyalarının inkişafı üzrə 2010-2012-ci illər üçün Dövlət Proqramı” (Elektron Azərbaycan) çərçivəsində həyata keçirilir.
Bölmənin digər xəbərləri
