Vens: İranın dondurulmuş aktivlərinin qaytarılması ABŞ-yə fayda verəcək
Bakı, 22 iyun, AZƏRTAC
ABŞ-nin Vitse-prezidenti Ceyms Devid Vens İranın dondurulmuş aktivlərinin qaytarılmasının Birləşmiş Ştatlara fayda verəcəyini bildirib.
AZƏRTAC xəbər verir ki, Ceyms Devid Vens bu barədə mətbuat konfransında deyib. “Əgər Tehranın dondurulmuş aktivləri nə vaxtsa qaytarılarsa, onlar amerikalı fermerlərin zənginləşməsinə və iranlıların qidalanmasına yönələcək. Bu, klassik Donald Tramp razılaşmasıdır və hər iki xalq üçün faydalıdır. Ən əsası, belə razılaşma regional təhlükəsizlik arxitekturasına da töhfə verəcək. Onu təmin etmək üçün çox çalışacağıq”, - deyə siyasətçi vurğulayıb.
Bölmənin digər xəbərləri
