Azərbaycan çempionu bu gün Belçikanın “Anderlext” komandasını qəbul edəcək
Bakı, 1 oktyabr, AZƏRTAC
Futbol üzrə UEFA Avropa Liqasının qrup mərhələsində mübarizə aparan Azərbaycan çempionu “Qarabağ” bu gün ikinci oyununu keçirəcək.
AZƏRTAC xəbər verir ki, Ağdam təmsilçisi Belçikanın “Anderlext” komandasını Tofiq Bəhramov adına Respublika Stadionunda qəbul edəcək.
Oyunu avstriyalı baş hakim Oliver Draçta idarə edəcək. Ona həmyerliləri Roland Brandner, Stefan Kuehr, Roland Riedel, Manuel Şuettenqruber və Dieter Mukenhammer kömək edəcəklər.
Matçın UEFA nümayəndəsi Oljas Abrayev (Qazaxıstan), hakim-inspektoru isə sloveniyalı Darko Ceferin olacaq.
“Qarabağ” klubu qrup mərhələsi çərçivəsində ilk görüşünü Londonda “Tottenhem”ə qarşı keçirib və 1:3 hesabı ilə məğlub ayrılmışdı.
Bölmənin digər xəbərləri
