AZƏRBAYCAN CÜDOÇULARI DÜNYA BİRİNCİLİYİNDƏ ÇIXIŞLARINI DAVAM ETDİRİRLƏR
Bakı, 24 oktyabr (AZƏRTAC). Parisdə keçirilən gənclər arasında dünya birinciliyinin ikinci günü Azərbaycan cüdoçuları 4 nəfərə bir qələbə qazanmışlar. Turanə Səidi 52 kiloqram çəki dərəcəsində ilk görüşdə "ippon” fəndi ilə monqolustanlı Amarjarqal Tumurbatarı məğlub etmişdir. Lakin növbəti dairədə o, braziliyalı Eleudis Valentimə məğlub olmuş və bununla da Fransada çıxışını bitimişdir.
Yerevanda keçirilən Avropa birinciliyinin gümüş mükafatçısı Fəqan Eminoğluna (66 kq) müəyyən ümidlər bəslənirdi. Lakin o, ilk görüşdə iki “vadza -arı” fəndi buraxaraq israilli Qolan Pollaka məğlub olmuşdur.
Orxan Dünyamalıyev (72 kq) Yəmən təmsilçisi Valid Əl Kəbzariyə, Kəmalə Hüseynzadə (57 kq) isə çexiyalı Tereza Patoçkova məğlub olmuşdur.
Bölmənin digər xəbərləri
