AZƏRBAYCAN CÜDOÇUSU ERMƏNİ RƏQİBİNİ MƏĞLUB EDƏRƏK BÜRÜNC MEDAL QAZANMIŞDIR
AZƏRTAC xəbər verir ki, Varşavada gənc cüdoçuların Avropa çempionatı keçirilir. Yarışın ilk günü Azərbaycan idmançıları 2 bürünc medal qazanmışlar.
55 kiloqram çəki dərəcəsində mübarizə aparan Elsevər Sadıxzadə ilk mərhələ yarışlarında Portuqaliya və Estoniya idmançılarından üstün olsa da, dördəbir finalda Rusiya təmsilçisinə məğlub olmuşdur. Rusiya cüdoçusunun finaladək irəliləməsi Elsevərə bürünc medal uğrunda mübarizə aparmaq imkanı vermişdir. Təsəlliverici yarışlarında uğurlu çıxış edən cüdoçumuz 3-cü yer uğrunda döyüşdə Ukraynanı təmsil edən milliyyətcə erməni Suren Mkrtrçyana qalib gələrək bürünc medala layiq görülmüşdür.
Digər idmançımız Sərxan Əhmədov (66 kq) isə dördəbir final mərhələsinə qədər bütün rəqiblərinə qalib gəlsə də, yarımfinala vəsiqə uğrunda döyüşdə Serbiya idmançısına uduzmuşdur. Əvəzində S.Əhmədov üçüncü yer uğrunda döyüşdə Bolqarıstan, Gürcüstan və İngiltərə cüdoçularını məğlub edərək bürünc medal qazanmışdır.
Bölmənin digər xəbərləri
