Azərbaycan Dövlət Akademik Opera və Balet Teatrının noyabr repertuarı zəngindir
Bakı, 31 oktyabr (AZƏRTAC). Azərbaycan Dövlət Akademik Opera və Balet Teatrının noyabr repertuarı zəngindir.
AZƏRTAC xəbər verir ki, noyabrın 2-də Ü.Hacıbəylinin “Əsli və Kərəm” operası, ayın 3-də A.Adanın “Jizel” baleti, 6-da M.Maqomayevin “Şah İsmayıl” operası nümayiş etdiriləcəkdir.
Opera və Balet Teatrının kollektivi noyabrın 9-da L.Minkusun “Don Kixot” baletini, ayın 10-da S.Raxmaninovun “Aleko” operasını, 13-də isə M.Ravelin “Bolero”, D.Şostakoviçin “Xanım və xuliqan” baletlərini təqdim edəcəkdir.
Noyabrın 15-də “ÜNS” Yaradıcılıq Səhnəsinin təşkilatçılığı ilə Moskva teatrının “Zapadnya” tamaşası, ayın 17-də isə “TODES” rəqs qrupunun konserti təqdim ediləcəkdir.
Balaca tamaşaçılar noyabrın 16-da L.Vaynşteynin “Çəkməli pişik” uşaq operasına baxa biləcəklər.
Tamaşaçılar noyabrın 23-də C.Puççininin “Bohema”, P.Çaykovskinin “Romeo və Cülyetta”, R.Şedrin, J.Bizenin “Karmen süita” baletlərinə baxacaqlar.
Opera və Balet Teatrının kollektivi noyabrın 27-də Ü.Hacıbəylinin “Leyli və Məcnun” operasına, ayın 30-da Q.Qarayevin “Yeddi gözəl” baletini nümayiş etdirəcəkdir.
Bölmənin digər xəbərləri
