Azərbaycan Dövlət Neft və Sənaye Universitetinin müəllimləri təlimi uğurla başa vurublar
Bakı, 1 fevral, AZƏRTAC
Azərbaycan Dövlət Neft və Sənaye Universiteti (ADNSU) ilə CISCO şirkəti arasında imzalanmış əməkdaşlıq memorandumuna əsasən ali məktəbin Kompüter mühəndisliyi kafedrasının müəllimləri - dosent Yaşar Hacıyev, Kənan Məmmədov, Nübar Kişiyeva, Fəxri Nifdalızadə, Əsmət Əhmədova “CISCO Şəbəkə Akademiyası”nın İT Essentials (İT-nın Əsasları) kursu üzrə təlimi başa vurublar.
ADNSU-dan AZƏRTAC-a bildirilib ki, kursu bitirən iştirakçılar sertifikatlarla mükafatlandırılıb. “CISCO Şəbəkə Akademiyası”nın tədris materialları əsasında tələbələr auditoriya üçün dərs aparmaq imkanı əldə ediblər.
Qeyd edək ki, ADNSU ilə CISCO şirkəti arasındakı memoranduma əsasən informasiya texnologiyalarının əsasları, proqramlaşdırma dilləri, əşyaların interneti, linux əməliyyat sistemi və digər müvafiq kursların universitetin tədris proqramına tətbiq edilməsi nəzərdə tutulur. Bundan əlavə, memoranduma əsasən gələcəkdə həm müəllim, həm də tələbələrin öz bilik səviyyələrini artırmaq, onların mütəxəssis kimi yetişdirilməsində digər təlim kurslarının da mənimsənilməsi nəzərdə tutulur.
Bölmənin digər xəbərləri
