Azərbaycan Dövlət Pedaqoji Universitetində “Kimya gecəsi”
Bakı, 3 may, AZƏRTAC
Azərbaycan Dövlət Pedaqoji Universitetində (ADPU) Kimya və biologiya fakültəsinin təşkilatçılığı ilə “Kimya gecəsi” keçirilib.
Bu barədə AZƏRTAC-a ADPU-dan məlumat verilib.
Tədbirdə fakültənin müəllim və tələbələri, M.Rahim adına 7 nömrəli tam orta məktəbin şagirdləri tərəfindən üçrəngli bayraq, süni qan, süni vulkan, yanar su, sehrli buxar kimi reaksiyalar göstərilib, virtual reallıq eynəkləri, innovativ tədris-elmi tətbiqləri və digər maraqlı nömrələr nümayiş olunub.
Fakültənin dekanı dosent Reyhan Ağayeva kimya elminə marağın artırılmasında tədbirin əhəmiyyətini vurğulayıb.
Sonra məktəblilərin və tələbələrin iştirakı ilə bədii hissə təqdim olunub.
Bölmənin digər xəbərləri
