AZƏRBAYCAN HƏRBÇİLƏRİ NATO-NUN TƏDBİRLƏRİNDƏ İŞTİRAK EDİRLƏR
Müdafiə Nazirliyinin mətbuat xidmətindən AZƏRTAC-a bildirmişlər ki, NATO-nun “Sülh naminə tərəfdaşlıq” Proqramı çərçivəsində iyulun 7-dən 10-dək Türkiyənin Antalya şəhərində generallar və admirallar üçün “İpək Yolu-2008” seminarı, iyulun 7-dən 11-dək Bakıda Qırmızı Xaç Komitəsi tərəfindən beynəlxalq humanitar hüquq üzrə təlim kursları keçirilir.
İyulun 8-dən 10-dək Kil və Hamburq şəhərlərində (Almaniya Federativ Respublikası) HDQ ilə tanışlıq, iyulun 9-da Brüssel şəhərində (Belçika) Azərbaycanın Fərdi Tərəfdaşlıq üzrə Əməliyyat Planı (FTƏP) çərçivəsində qiymətləndirilməsinin yekun iclası, 26+1 formatında,
iyulun 9-dan 12-dək Nijni Tagil (Rusiya) şəhərində Rusiya silah sərgisi, iyulun 13-dən 18-dək Bakıda Azərbaycan-İordaniya birgə komissiyasının görüşü keçiriləcəkdir.
NATO ilə Azərbaycan Respublikası arasında imzalanmış fərdi proqrama uyğun olaraq, həmin tədbirlərdə Silahlı Qüvvələrimizin nümayəndələri də iştirak edirlər.
Bölmənin digər xəbərləri
