Azərbaycan ilə Türkiyə arasında təhsil sahəsində əməkdaşlığın inkişafına dair fikir mübadiləsi aparılıb
Bakı, 21 may, AZƏRTAC
Elm və təhsil naziri Emin Əmrullayevin rəhbərliyi ilə 21-ci Dünya Təhsil Forumu çərçivəsində nümayəndə heyətinin ikitərəfli görüşləri davam edir. Forum çərçivəsində nümayəndə heyəti Türkiyənin milli təhsil naziri Yusuf Tekin və Türkiyənin Böyük Britaniyadakı səfiri Osman Koray Ertaş ilə görüşüb.
Bu barədə AZƏRTAC-a nazirlikdən məlumat verilib.
Bildirilib ki, görüş zamanı Azərbaycan ilə Türkiyə arasında ümumi təhsil, peşə təhsili və ali təhsil sahələrində mövcud əməkdaşlığın cari vəziyyəti və inkişaf perspektivləri ətrafında fikir mübadiləsi aparılıb.
Bölmənin digər xəbərləri
