AZƏRBAYCAN KARATEÇİLƏRİ DÜNYA ÇEMPİONATINDA İŞTİRAK EDƏCƏKLƏR
Bakı, 26 oktyabr (AZƏRTAC). Rumıniyanın Buxarest şəhərində keçiriləcək yeniyetmə, gənclər və kişilər arasında kempo karate idman növü üzrə dünya çempionatında mübarizə aparacaq Azərbaycan yığmasının heyəti müəyyənləşmişdir. Çempionatda ölkəmiz Azərbaycan Qoçyu-Ryu Okinava Karate-Do və Kobudo Növləri Federasiyasının 14 karateçisi ilə təmsil olunacaqdır.
Federasiyanın prezidenti Tarverdi Allahverdiyev, məşqçi Vüqar Camalovun rəhbərliyi altında ölkəmizin idman şərəfini Qismət Cəbizadə, Cəlil Mahmudov, Ruslan Əkbərli, Ümid Əliyev, İmran Qurbanov, Namiq Muradov, Xəqani Firudinzadə, Elvin Quliyev, Emin Ağayev, Rəşad Şirəliyev, Rahib Usubov, Mahir İsmayılov, Tural Şirəliyev və İsmayıl Cəfərov təmsil edəcəklər. Qeyd edək ki, idmançılarımız Vətənə oktyabrın 31-də qayıdacaqlar.
Bölmənin digər xəbərləri
