AZƏRBAYCAN KOMANDASI AVROPA CEMPİONATINDA 1-Cİ YERƏ YÜKSƏLMİŞDİR
Bakı, 27 oktyabr (AZƏRTAC). Serbiyanın Novi-Sad şəhərində keçirilən şahmat üzrə Avropa çempionatının 5-ci turunda Azərbaycanın kişilərdən ibarət komandası Gürcüstan təmsilçilərinə 2,5:1,5 hesabı ilə qalib gəlmişdir.
Görüşdə aşağıdakı nəticələr qeydə alınmışdır: Teymur Rəcəbov-Baadur Cobava 0:1, Vüqar Həşimov-Mixail Mçedlişvili 1:0, Qadir Hüseynov-Levan Patsulaya 1:0, Şəhriyar Məmmədyarov-Tornike Sanikidze 0,5:0,5
Bu görüşdən sonra Azərbaycan yığması turnirin yeganə liderinə çevrilmişdir. Rusiya və Gürcüstan komandaları 2-3-cü yerləri bölüşürlər.
Qadın şahmatçılarımız isə Ermənistan idmançıları ilə qarşılaşmada heç-heçə oynamışlar. Maraqlıdır ki, bütün görüşlərdə rəqiblər “sülh”ə imza atmışlar.
Qadınların turnirində Gürcüstan 1-ci, Azərbaycan və Ukrayna isə müvafiq olaraq 2 və 3-cü yerləri tutur.
Avropa çempionluğu uğrunda 38 kişi və 28 qadın komandası mübarizə aparır.
Bölmənin digər xəbərləri
