AZƏRBAYCAN KOMANDASI DÜNYA ÇEMPİONATININ SON İKİ GÜNÜNDƏ QƏLƏBƏ QAZANA BİLMƏMİŞDİR
Paris, 26 oktyabr (AZƏRTAC). Cari ilin əvvəllərində Yerevanda Avropa çempionatında uğurla çıxış etmiş komandamız Parisin Pyer de Kubertən stadionunda keçirilmiş gənslər arasında cüdo üzrə 15-ci Dünya çempionatının son iki günündə qələbə qazana bilməmişdir.
Oktyabrın 24-də komanda üzvlərindən 60 kiloqram çəki dərəcəsində Rasim Abdullayev yunanstanlı Dimokritos Manusaridisə, Fəqan Eminoğlü (66 kq) fransız Matias Buşerə, Orxan Dünyamalıyev (73 kq) latış Tomas Deksnyisə, Ramin Qurbanov (81 kq) Gürcüstan idmançsı Avtandil Çrikişviliyə uduzaraq yarışları dayandırmalı olmuşlar.
Oktyabrın 25-də - çempionatın sonuncu günü Elmar Qasımov (100 kq) öz çəki dərəcəsində qazaxıstanlı Viktor Demyanenkoya qalib gələrək bürünc medal uğrunda yarışı davam etdirmək hüququ qazanmışdır. Lakin E.Qasımov hollandiyalı rəqibi Mol Tolbias ilə qarşılaşmada məğlub olmuşdur.
Oktyabrın 22-25-də keçirilmiş Dünya çempionatı yarışlarında Azərbaycan cüdoçuları Vətənə bir gümüş medalla qayıtmışlar.
Xatırladaq ki, komandaya gümüş medalı oktyabrın 22-də keçirilmiş görüş zamanı İlqar Müşkiyev qazandırmışdır.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
