AZƏRBAYCAN MARKETİNQ CƏMİYYƏTİ MENECERLƏR ÜÇÜN XÜSUSİ SEMİNAR KEÇİRMİŞDİR
Azərbaycan Marketinq Cəmiyyətinin mətbuat xidmətindən AZƏRTAC-a bildirmişlər ki, Quba rayonunun Qəçrəş kəndində qurumun və “Trout & Patners/Russia” şirkətinin birgə təşkilatçılığı ilə Azərbaycanda menecerlər üçün ilk dəfə mövqeləşdirmə üzrə xüsusi seminar-praktikum keçirilmişdir.
Tədbirin məqsədi iştirakçılara strategiyanın şirkətin inkişafının əsası olduğunu anlatmaq, onları rəqabət bazarında qələbəni təmin edəcək fəlsəfə və ideyalarla tanış etmək, təcrübi aspektlər, eləcə də qrup müzakirələrində qısa araşdırmalar aparmaq olmuşdur.
Seminar-praktikumda şirkət sahibləri, həmçinin menecerlər və aparıcı işçilər üçün “Bazarda liderliyin əldə edilməsi üsulları” və “Artan rəqabət dövründə necə inkişaf etməli?” mövzularında məşğələlər keçirilmişdir.
Tədbiri Rusiya Marketoloqlar Gildiyasının üzvü Aleksey Suxenko aparmışdır.
Bölmənin digər xəbərləri
