Azərbaycan Mədəniyyət Evi Almaniyada Azərbaycan mədəniyyətinin təbliği istiqamətində fəaliyyətini genişləndirəcəkdir
Bakı, 30 oktyabr (AZƏRTAC). Almaniyada fəaliyyət göstərən Azərbaycan Mədəniyyət Evinin İdarə Heyətinin iclası keçirilmişdir. İclasda təşkilati məsələlərə baxılmış, görüləcək işlər planlaşdırılmışdır. Bu barədə Azərbaycan Mədəniyyət Evindən AZƏRTAC-a məlumat verilmişdir.
İclasda Altay Rüstəmli Azərbaycan Mədəniyyət Evinin yeni rəhbəri, Rəşad Xasayoğlu isə icraçı direktoru seçilmişdir.
Bildirilmişdir ki, Azərbaycan Mədəniyyət Evi Almaniyada Azərbaycan mədəniyyətinin təbliğ olunması istiqamətində fəaliyyətini genişləndirəcək, mədəni əlaqələrin qurulmasına töhfələrini verəcəkdir.
Bölmənin digər xəbərləri
