AZƏRBAYCAN MİLLİ KOMANDASINA BOLQARISTANLI MƏŞQÇİ CƏLB OLUNUBDUR
Bakı, 5 yanvar (AZƏRTAC). Akademik avarçəkmə üzrə Azərbaycan milli komandasına yeni məşqçi cəlb edilibdir. Bolqarıstanlı mütəxəssis Yuliana Stoyeva bundan sonra yığmamızın baş məşqçisi Rudiger Hauffenin köməkçisi olacaqdır. Stoyeva zəngin təcrübəsini avarçəkənlərimizin qarşıdakı yarışlara hazırlığına sərf edəcəkdir.
Avarçəkmə Federasiyasından bildirmişlər ki, Yuliana Stoyeva ölkəmizə gələnədək Bolqarıstan yığmasının və yerli MOİK klubunun məşqçisi kimi çalışıbdır. Stoyeva indiyədək dünya və Avropa çempionatlarının bir sıra qalib və mükafatçılarını yetişdiribdir.
Bölmənin digər xəbərləri
