AZƏRBAYCAN NATO-NUN “SÜLH NAMİNƏ TƏRƏFDAŞLIQ” PROQRAMI ÇƏRÇİVƏSİNDƏ FƏALİYYƏTİNİ GENİŞLƏNDİRİR
Müdafiə Nazirliyinin mətbuat xidmətindən AZƏRTAC-a bildirmişlər ki, NATO ilə Azərbaycan arasında imzalanmış fərdi proqrama uyğun olaraq, “Sülh naminə tərəfdaşlıq” Proqramı çərçivəsində iyunun 2-də Belçikanın Ostend şəhərində “Dənizdə minalara qarşı mübarizə” mövzusunda konfrans işə başlamışdır. Tədbir iyunun 5-dək davam edəcəkdir.
Bu proqram çərçivəsində iyunun 2-dən 19-dək Neapol şəhərində “Hücum gəmisində təlim” kursu, iyunun 3-dən 5-dək Berlində “Qara dəniz təhlükəsizlik siyasəti”, iyunun 5-dən 6-dək isə İstanbulda “Orta Şərqin qeyri-müəyyən gələcəyi və təhlükəsizlik problemləri” mövzularında konfranslar keçiriləcəkdir.
Tədbirlərdə Azərbaycan Silahlı Qüvvələrinin nümayəndələri də iştirak edirlər.
Bölmənin digər xəbərləri
