AZƏRBAYCAN NÜMAYƏNDƏ HEYƏTİ AŞPA SƏDRİ İLƏ GÖRÜŞMÜŞDÜR
AZƏRTAC-ın xüsusi müxbiri xəbər verir ki, Azərbaycanın Avropa Şurası Parlament Assambleyasındakı (AŞPA) nümayəndə heyətinin rəhbəri Səməd Seyidov qurumun sədri Luis Maria de Puçla görüşmüşdür.
Luis Maria de Puç iyulun əvvəllərində Azərbaycana səfərini xatırlatmış və Prezident İlham Əliyev ilə görüşündən məmnunluğunu bildirmişdir.
Görüşdə Azərbaycanda keçiriləcək prezident sekiləri, Avropa Şurası ilə ölkəmiz arasında münasibətlər ətrafında fikir mübadiləsi aparılmışdır.
Luis Maria de Puç qurumun seşkiqabağı missiyasının Bakıya səfəri zamanı seçkilərə yüksək hazırlıq görülməsi barədə rəyini razılıq hissi ilə qeyd etmiş, prezident seçkiləri ilə bağlı əldə etdiyi məlumata əsasən mühüm prosesin tam demokrarik, açıq və şəffaf şəkildə keçiriləcəyinin onda əminlik yaratdığını bildirmişdir.
AŞPA sədri Dağlıq Qarabağ üzrə alt komitənin gələcək fəaliyyəti haqqında fikirlərini açıqlamış, Azərbaycanda gedən proseslərə münasibətini bildirmişdir.
Görüşdə Azərbaycanın Avropa Şurası yanındakı daimi nümayəndəliyinin rəhbəri səfir Arif Məmmədov iştirak etmişdir.
Bölmənin digər xəbərləri
