AZƏRBAYCAN NÜMAYƏNDƏ HEYƏTİ YUNESKO-NUN BAŞ KONFRANSINDA İŞTİRAK EDƏCƏK
Baş konfransda ölkəmizi xarici işlər naziri Vilayət Quliyev, respublikamızın Fransadakı səfiri, Azərbaycanın YUNESKO yanında daimi nümayəndəsi Eleonora Hüseynova, təhsil naziri Misir Mərdanov, mədəniyyət naziri Polad Bülbüloğlu, Tələbə Qəbulu üzrə Dövlət Komissiyasının sədri Məleykə Abbaszadə və Yazıçılar Birliyinin sədri, Milli Məclisin deputatı Anar Rzayev təmsil edəcəklər.
19 il bundan əvvəl YUNESKO-dan çıxmış Amerika Birləşmiş Ştatlarının yenidən bu təşkilata qəbulu təntənəli mərasimlə qeyd ediləcəkdir. Beləliklə, təşkilatda dünyanın 190 ölkəsi təmsil ölunacaqdır.
Baş konfransın sessiyasında mədəni irsin qorunması barədə beynəlxalq konvensiya, mədəni irsin dağıdılması ilə əlaqədar YUNESKO-nun bəyannaməsi, insanın mövcud genetikasına dair beynəlxalq bəyannamə layihələri, təşkilatın 2004-2005-ci illər üçün büdcəsi və digər məsələlər müzakirə ediləcəkdir.
Sessiyanın işi ilə paralel oktyabrın 3-4-də təhsil nazirlərinin iştirakı ilə “Təhsilin keyfiyyətinin yüksəldilməsi” mövzusunda “dəyirmi masa” da keçiriləcəkdir.
Bölmənin digər xəbərləri
