Azərbaycan polisi vəzifə borcunu nümunəvi şəkildə yerinə yetirir
Bakı, 8 iyun, AZƏRTAC
Yeni növ koronavirus (COVID-19) pandemiyası ilə mübarizə dönəmində Azərbaycan polisi vəzifə borcunu nümunəvi şəkildə yerinə yetirir.
Bunu AZƏRTAC-a açıqlamasında politoloq Ramiz Alıyev deyib.
R.Alıyev qeyd edib: “Biz bunları istər yol patrul xidməti əməkdaşlarının hərəkətin tənzimlənməsi sahəsində, istər Daxili Qoşunların hərbi qulluqçularının fəaliyyətində, istərsə də digər polis əməkdaşlarının göstərmiş olduqları fədakarlıqlarda görə bilərik. Azərbaycan polisi dövlətinə sədaqətlə xidmət edərək nümunəvi xidmət göstərir. “COVID-19” pandemiyası dövründə Azərbaycan polisinin üzərinə böyük məsuliyyət düşür. Lakin unutmaq olmaz ki, polis əməkdaşları bu çətin günlərdə özlərinin əsas vəzifəsi olan ictimai asayişin və hüquq qaydasının mühafizəsi işində də bir an olsun sayıqlığı əldən vermirlər. Belə olan halda Azərbaycan polisini gözdən salmaq kimlərin işinə yaraya bilər? Təbii ki, bu, ancaq Azərbaycanda xaos, anarxiya, parçalanma yaratmaq, ölkəmizdə sabitliyi pozmaq istəyənlərin arzusu və istəyi ola bilər”.
Bölmənin digər xəbərləri
