RƏSMİ XRONİKA
AZƏRBAYCAN PREZİDENTİ İLHAM ƏLİYEV QAZAXISTANIN DÖVLƏT KATİBİ ORALBAY ABDIKƏRİMOVU QƏBUL ETMİŞDİR
AZƏRTAC-ın xüsusi müxbiri xəbər verir ki, Azərbaycan Respublikasının Prezidenti İlham Əliyev sentyabrın 18-də Antalyada, “Sunqate Port Royal” mehmanxanasında Qazaxıstanın dövlət katibi Oralbay Abdıkərimovu qəbul etmişdir.
Görüşdə Azərbaycan və Qazaxıstanın dövlət başçılarının qarşılıqlı səfərlərinin səmərəli keçdiyi xatırladıldı, ölkələrimiz arasında əlaqələrin müxtəlif sahələrdə uğurla inkişaf etdiyi vurğulandı.