AZƏRBAYCAN QADINLARININ VƏZİYYƏTİ MÜZAKİRƏ OLUNMUŞDUR
Komitənin sədri Hicran Hüseynova Azərbaycanda qadınların vəziyyəti barədə qonağa məlumat vermiş, ölkə Prezidentinin “Azərbaycan Respublikasında dövlət qadın siyasətinin həyata keçirilməsi haqqında” Fərmanının əhəmiyyətini vurğulamışdır. O, ölkədə kişi və qadınların hüquqi və sosial bərabərliyinin təmin edilməsi, hər hansı ayrı-seçkiliyə yol verilməməsi üçün zəruri tədbirlərin həyata keçirildiyini bildirmişdir. H.Hüseynova qadınların ictimai-siyasi fəaliyyətindən danışmış, onların qərar qəbuletmə səviyyəsində 3,4 faiz təmsil olunduğunu söyləmişdir. Komitə sədri qadınların ictimai həyata cəlb edilməsi üçün qeyri-hökumət təşkilatları tərəfindən müxtəlif mərkəzlərin yaradıldığını, psixoloji və sosial reabilitasiyası üzrə hüquqi, tibbi və digər məsləhətlər verən xidmətlərin fəaliyyət göstərdiyini diqqətə çarpdırmışdır.
V.Oskina fikir mübadiləsinə və ətraflı məlumata görə təşəkkürünü bildirmiş, ölkədə qadınların vəziyyətinin yaxşılaşdırılması istiqamətində həyata keçirilən tədbirləri yüksək dəyərləndirmişdir.
Görüşdə AŞPA-da Azərbaycan nümayəndə heyətinin üzvü, Milli Məclisin deputatı Elmira Axundova, AŞPA katibliyinin əməkdaşı Yamik Devo, AŞ-nın Bakıdakı informasiya ofisinin icraçı direktoru İlqar İbrahimli və digər şəxslər iştirak etmişlər.
Bölmənin digər xəbərləri
