MƏDƏNİYYƏT
AZƏRBAYCAN RƏSSAMININ MOSKVADA SƏRGİSİ
AZƏRTAC-ın xüsusi müxbiri xəbər verir ki, Azərbaycanın Moskvadakı səfirliyində həmvətənimiz, rəssam Maya Bədəlbəylinin fərdi sərgisi açılmışdır. Sərgidə müəllifin dərin məzmunlu, güclü bədii təsiri ilə gözoxşayan 30-dan çox kiçik həcmli əsəri nümayiş etdirilir. Portretlər və mənzərələr, müxtəlif rəsmlər sərgidə əsas yer tutur. Ixtisasca filoloq və sosioloq olan Maya Bədəlbəyli uzun müddət Azərbaycan Mədəniyyət Nazirliyində sosiologiya şöbəsinə rəhbərlik etmişdir. 1994-cü ildə onda rəssamlıq istedadı aşkar olmuşdur. Onun yaradıcılığı haqqında film də çəkilmişdir. M.Bədəlbəyli “Dialoq” və “Kainatın səsləri” kitablarının, müxtəlif qəzet və jurnallarda dərc edilmiş 100-dək məqalənin müəllifidir. 2000-ci ildə onun ilk fərdi sərgisi keçirilmişdir. Maya Bədəlbəylinin indiki sərgisi ölkəmizin Rusiya Federasiyasındakı səfirliyinin dəstəyi və Ümumrusiya Azərbaycan Konqresinin yaxından köməyi ilə təşkil olunmuşdur.