Azərbaycan səhiyyəsi yenidən qurulur
Göyçay, 17 iyun (AZƏRTAC). Göyçay rayonunun səhiyyə işçiləri peşə bayramlarını qeyd etmişlər.
AZƏRTAC xəbər verir ki, tibb işçiləri əvvəlcə ulu öndər Heydər Əliyevin Göyçay şəhərindəki abidəsi önünə əklil və gül dəstələri düzmüş, xatirəsini ehtiramla yad etmişlər.
Rayon mərkəzi xəstəxanasında keçirilən bayram tədbirində çıxış edənlər insanların sağlamlığının keşiyində duran səhiyyə işçilərini bayram münasibətilə təbrik etmiş, şərəfli peşələrində uğurlar arzulamışlar.
Çıxışlarda son illər Azərbaycan səhiyyəsinin yenidən qurulduğu və sürətlə inkişaf etdiyi vurğulanmış, yeni tibb müəssisələrinin, sağlamlıq mərkəzlərinin yaradıldığı, müasir tibbi avadanlığın ölkəyə gətirildiyi, mövcud səhiyyə ocaqlarının əsaslı təmir edilərək əhalinin istifadəsinə verildiyi xüsusi qeyd edilmişdir.
Tədbirdə çıxış edən tibb işçiləri onlara, milli səhiyyəmizin inkişafına göstərilən diqqət və qayğıya görə, dövlətimizin başçısına minnətdarlıqlarını bildirmişlər.
Bölmənin digər xəbərləri
