AZƏRBAYCAN ŞİRKƏTİ AVROPADA AERONAVİQASİYA MƏLUMATI MÜBADİLƏSİ STANDARTININ HAZIRLANMASINDA İŞTİRAK EDİR

11.07.2006 [21:46]
Çap et
A⁺ A^-

Madriddə aeronaviqasiya informasiyası xidmətlərinin Ümumdünya konqresi başa çatmışdır. Bu ixtisaslaşdırılmış nüfuzlu tədbirdə Azərbaycanın R.İ.S.K. elm-istehsalat şirkəti də iştirak etmişdir. Şirkətdən AZƏRTAC-ın müxbirinə bildirmişlər ki, konqres iştirakçılarına şirkətin layihəsi - RANDA adlı aeronaviqasiya proqram əlavələri kompleksi təqdim olunmuşdur. Həmin proqram vasitəsilə mütəxəssislərə təyyarə uçuşlarının və aeronaviqasiya xəritəçəkmə proserduralarının yeni konsepsiyası nümayiş etdirilmişdir.

Konqres iştirakçıları R.İ.S.K. şirkəti mütəxəssislərinin hazırladıqları RANDA sisteminin aeronaviqasiya informasiyasının idarə olunması sahəsində yeni keyfiyyət təminatı sistemi səviyyəsinə çıxarılması ilə əlaqədar qarşıya qoyulan vəzifələrin yeniliyini və originallığını yüksək qiymətləndirmişlər.

R.İ.S.K. şirkəti RANDA sisteminin bəzi ölkələrdə uğurlu tətbiqi sayəsində hava hərəkətinin təhlükəsizliyini təmin edən Avropa təşkilatından yeni aeronaviqsiya məlumatı mübadiləsi standartının hazırlanması üzrə işçi qrupa daxil olmaq təklifi almışdır.

AZƏRBAYCAN ŞİRKƏTİ AVROPADA AERONAVİQASİYA MƏLUMATI MÜBADİLƏSİ STANDARTININ HAZIRLANMASINDA İŞTİRAK EDİR

MÜƏLLİFLƏ ƏLAQƏ

Bölmənin digər xəbərləri