Azərbaycan-Türkiyə münasibətlərinin inkişafı məsələləri müzakirə olunmuşdur
İstanbul, 14 iyul (AZƏRTAC). Azərbaycanın Qarsdakı baş konsulu Ayxan Süleymanov İğdır vilayətinə yeni təyin olunmuş vali Davut Haner ilə görüşmüşdür.
A.Süleymanov yeni vəzifəyə təyinatı münasibətilə D.Haneri təbrik etmiş, ona xidməti fəaliyyətində müvəffəqiyyətlər arzulamışdır.
Vali D.Haner Azərbaycan-Türkiyə münasibətlərinin bundan sonra da inkişafı istiqamətində səyləri davam etdirəcəyini vurğulamışdır.
Ümummilli liderimiz Heydər Əliyevin “bir millət, iki dövlət” kəlamının böyük tarixi məna kəsb etdiyini ifadə edən A.Süleymanov Azərbaycan-Türkiyə əlaqələrinin inkişaf dinamikasından danışmış, xalqlarımız arasındakı bağların sarsılmaz olduğunu bildirmişdir.
Sonda qarşılıqlı xatirə hədiyyələri təqdim olunmuşdur.
Sabir Şahtaxtı
AZƏRTAC-ın xüsusi müxbiri,
İstanbul
Bölmənin digər xəbərləri
