AZƏRBAYCAN VƏ ERMƏNİSTAN PREZİDENTLƏRİ “BÖYÜK SƏKKİZLƏR”İN SAMMİTİNDƏ GÖRÜŞMƏYƏCƏK

11.07.2006 [15:13]
Çap et
A⁺ A^-

AZƏRTAC xəbər verir ki, Prezident İlham Əliyev Türkiyənin “Cümhuriyyət” qəzetinə verdiyi müsahibədə qarşıdakı günlərdə “Böyük səkkizlər”in zirvə toplantısında Robert Koçaryanla görüşün nəzərdə tutulmadığını bildirmişdir. İlham Əliyev demişdir ki, son bir neçə ay ərzində Fransada və Rumıniyada keçirilən görüşlərdə biz heç bir nəticəyə gəlmədik. Bizim aramızda heç bir anlaşma, razılaşma yoxdur və bunun əsas səbəbi Ermənistanın qeyri-konstruktiv mövqeyidir, Ermənistanın işğalçılıq siyasətidir.

“Biz heç kimin torpağına iddia etmirik, heç kimin malına, torpağına göz dikməmişik”- deyən Prezident İlham Əliyev vurğulamışdır ki, bizə mənsub olan ərazinin Azərbaycana qayıtmasını tələb edirik. Bunu sülh yolu ilə etməyə çalışırıq. Ermənistana şans veririk ki, işğal edilmiş torpaqlardan öz xoşu ilə çəkilsin və qan tökülmədən, müharibə başlamadan bu məsələni çözək. Əgər biz buna nail olsaq, o zaman bölgədə bütün mənzərə dəyişəcək, əlaqələr yaranacaq, yollar açılacaq, əməkdaşlıq mümkün olacaqdır. Yəni erməni xalqı da bundan faydalanacaq, daha yaxşı yaşayacaqdır.

AZƏRBAYCAN VƏ ERMƏNİSTAN PREZİDENTLƏRİ “BÖYÜK SƏKKİZLƏR”İN SAMMİTİNDƏ GÖRÜŞMƏYƏCƏK

MÜƏLLİFLƏ ƏLAQƏ

Bölmənin digər xəbərləri