Azərbaycanda gənc qan donorlarının birinci forumu keçiriləcəkdir
Bakı, 12 iyun (AZƏRTAC). İyunun 14-də Səhiyyə Nazirliyi İctimai Səhiyyə və İslahatlar Mərkəzinin, Azərbaycan Qızıl Aypara Cəmiyyətinin, Qan Donorları Assosiasiyasının, Gənclər üçün Təhsil Mərkəzinin və Azərbaycan Tələbə Gənclər Təşkilatları İttifaqının birgə əməkdaşlığı çərçivəsində gənc qan donorlarının birinci forumu keçiriləcəkdir.
Qan Donorları Assosiasiyasından AZƏRTAC-a bildirmişlər ki, 14 İyun-Ümumdünya Qan Donoru Günü münasibəti ilə keçiriləcək forumun məqsədi Azərbaycanda könüllü və təmənnasız qan donorluğunun inkişafına dəstək verməkdir.
Forumda qan donorluğunun inkişafı sahəsində gələcək fəaliyyətlər müzakirə ediləcək və tövsiyələr hazırlanacaqdır.
Bölmənin digər xəbərləri
