Azərbaycanda İTS mexanizmlərinin gücləndirilməsi layihəsi insanların rifahının yaxşılaşdırılmasına xidmət edir
Bakı, 21 sentyabr, AZƏRTAC
İnsanların sağlamlığının qorunması üçün səhiyyə sisteminin maliyyə dayanıqlığı təmin olunmalıdır.
AZƏRTAC xəbər verir ki, bunu Avropa İttifaqı tərəfindən maliyyələşdirilən “Azərbaycanda icbari tibbi sığorta mexanizmlərinin gücləndirilməsi (Mərhələ 2)” tvininq layihəsinin rəsmi açılış mərasimində Avropa İttifaqının (Aİ) Azərbaycandakı nümayəndəliyinin əməkdaşlıq şöbəsinin rəhbəri Viktor Bojkov deyib.
“Səhiyyə sahəsi tibbi xidmətlərə son dövrlərdə artan tələbatlara uyğunlaşdırılmalı və innovativ texnologiyalar ən yaxşı formada tətbiq edilməlidir. “Azərbaycanda icbari tibbi sığorta mexanizmlərinin gücləndirilməsi layihəsi bu ölkə ilə möhkəm tərəfdaşlıq münasibətləri əsasında icra olunur və buradakı insanların rifahının yaxşılaşdırılmasına xidmət edir. Layihə, eyni zamanda, ölkədə səhiyyənin daha da təkmilləşdirilməsinə xidmət edəcək”.
Bölmənin digər xəbərləri
