Azərbaycandan 9 milyard dollarlıq xam neft və neft məhsulları ixrac edilib
Bakı, 29 dekabr, AZƏRTAC
Yanvar-noyabr aylarında Azərbaycandan 27 milyon 611,9 min ton bitumlu süxurlardan alınmış xam neft və xam neft məhsulları ixrac edilib. İxrac edilən neft və neft məhsullarının dəyəri isə 8 milyard 937,2 milyon ABŞ dolları olub.
AZƏRTAC xəbər verir ki, bu barədə Dövlət Gömrük Komitəsi (DGK) məlumat yayıb.
Xatırladaq ki, ötən ilin eyni aylarında ölkədən 29 milyon 129,9 min ton xam neft və neft məhsulları ixrac olunmuş, ixracın dəyəri 14 milyard 6,5 milyon dollar təşkil etmişdi.
Bölmənin digər xəbərləri
