AZƏRBAYCANI DÜNYA KUBOKU YARIŞLARINDA İKİ GİMNAST TƏMSİL EDƏCƏKDİR
Bakı, 6 yanvar (AZƏRTAC). Yanvarın 29-31-də Kanadanın Monreal şəhərində keçiriləcək bədii gimnastika üzrə dünya kuboku yarışlarında ölkəmizi iki gimnast qız təmsil edəcəkdir. Bunu Azərbaycan Gimnastika Federasiyasının mətbuat xidmətindən bildirmişlər.
Perspektivli gimnast Elvin Ağadadayev yanvarın ortalarında Minskin “Stayki” Olimpiya İdman Kompleksində təlim-məşq toplantısında iştirak edəcəkdir.
Qeyd edək ki, İstanbulda keçirilən idman gimnastikası üzrə “Bosfor kuboku” beynəlxalq turnirində 14 yaşlı Elvin 4 medal qazanmışdır. O, idman atı üzərində hərəkətlərdə qızıl, tirdə hərəkətlərdə gümüş, halqalarda və çoxnövçülükdə isə bürünc medal qazanmışdır.
Bölmənin digər xəbərləri
